NEWS OF KERALAM

 അഞ്ച് കോടി രൂപയ്ക്കു മുകളിൽ വാർഷിക വിറ്റുവരവുള്ള വ്യാപാരികളുടെ ബിസിനസ് -ടു - ബിസിനസ് വ്യാപാര ഇടപാടുകൾക്ക് ഓഗസ്റ്റ് ഒന്ന് മുതൽ ഇ - ഇൻവോയ്‌സിങ് നിർബന്ധമാക്കി. 2017-2018 സാമ്പത്തിക വർഷം മുതൽ, മുൻ സാമ്പത്തിക വർഷങ്ങളിൽ ഏതെങ്കിലും വർഷത്തിൽ, അതായത് 2022-23 വരെ , 5 കോടിയോ അതിലധികമോ വാർഷിക വിറ്റ് വരവുള്ള വ്യാപാരികൾ 2023 ഓഗസ്റ്റ് ഒന്ന് മുതൽ ഇ - ഇൻവോയ്‌സ് തയാറാക്കണം.    ഇ - ഇൻവോയ്‌സിങ് ബാധകമായ വ്യാപാരികൾ നികുതി ബാധ്യതയുള്ള ചരക്കുകൾക്കും, സേവനങ്ങൾക്കും കൂടാതെ വ്യാപാരി നൽകുന്ന ക്രഡിറ്റ്/ ഡെബിറ്റ് നോട്ടുകൾക്കും ഇ - ഇൻവോയ്‌സ് തയ്യാറാക്കണം. നിലവിൽ 10 കോടി രൂപയിലധികം വിറ്റ് വരവുള്ള വ്യാപാരങ്ങൾക്കാണ് ഇ-ഇൻവോയ്‌സിങ് നിർബന്ധമാക്കിയിട്ടുള്ളത്. ഇതാണ് ഓഗസ്റ്റ് ഒന്ന് മുതൽ 5 കോടി രൂപയായി കുറച്ചത്.  ഇ - ഇൻവോയ്‌സ് എടുക്കാൻ ബാധ്യതയുള്ള വ്യാപാരികൾ ചരക്കു നീക്കം നടത്തുന്നതിന് മുൻപ് തന്നെ ഇ-ഇൻവോയ്‌സിങ് നടത്തണം. ഇതിനായി ഇ-ഇൻവോയ്‌സ് പോർട്ടലായ https://einvoice1.gst.gov.in ൽ രജിസ്റ്റർ ചെയ്ത് 'യൂസർ ക്രെഡൻഷ്യൽസ് ' കൈപ്പറ്റേണ്ടതാണ്. ഇ-വേ ബിൽ പോർട്ടലിൽ ''യൂസർ ക്രെഡൻഷ്യൽസ് ' ഉ

കോഴിക്കോട് : നിരവധി കേസുകളിൽ ഉൾപ്പെട്ട പ്രതിയെ കാപ്പ ചുമത്തി നാടുകടത്തി. കോഴിക്കോട്‌ സിറ്റി പന്നിയങ്കര പോലീസ്‌ സ്റ്റേഷന്‍ പരിധിയിലെ താമസക്കാരനായ ചെന്നലേരി പറമ്പ്‌ വീട്ടിൽ സലിം.സി.പി (45) നെയാണ് 2007 ലെ കേരളാ സാമുഹ്യ വിരുദ്ധ പ്രവര്‍ത്തനങ്ങള്‍ (തടയല്‍) നിയമം (കാപ്പ) പ്രകാരം ഒരു വര്‍ഷക്കാലത്തേക്ക്‌ കോഴിക്കോട്‌ സിറ്റി പോലീസ്‌ ജില്ലയിൽ നിന്നും നാടുകടത്തി. സര്‍ക്കാര്‍ നിയമം മൂലം നിരോധിച്ച കഞ്ചാവും മയക്കുമരുന്നുകളും അനധികൃതമായി കൈവശം വെച്ച്‌ അമിത ആദായത്തിന്‌ വില്‍പ്പന നടത്തുക, ഉപയോഗിക്കുക, കൂടാതെ കൂട്ടാളികളോടൊത്ത്‌ ഇരുചക്രവാഹനത്തില്‍ സഞ്ചരിച്ച്‌ സ്ത്രീകളുടെ കഴുത്തിലും മറ്റും ധരിച്ച വിലപിടിപ്പുള്ള ആഭരണങ്ങള്‍ പിടിച്ചപറിക്കുക, വീടുകളില്‍ അതിക്രമിച്ചുകയറി സ്ത്രീകളുള്‍പ്പെടെയുള്ളവരെ ഭീഷണിപ്പെടുത്തുക, അപകടപ്പെടുത്തുക, മുതലുകള്‍ നശിപ്പിക്കുക സ്ത്രീത്വത്തെ അപമാനിക്കുന്ന വിധത്തിലുള്ള പ്രവര്‍ത്തികള്‍ ചെയ്യുക കളവ്‌ നടത്തുക എന്നിങ്ങനെയുള്ള ഗുരുതര കുറ്റകൃത്യങ്ങളില്‍ ഉള്‍പ്പെട്ട്‌ കസബ, ചെമ്മങ്ങാട്‌, പന്നിയങ്കര, മഞ്ചേരി, പൊന്നാനി എന്നീ പോലീസ്‌ സ്റ്റേഷനുകളിലും ബത്തേരി, ഫറോക്ക്‌ എന്നീ എക്സ്‌ സ്റ്റേഷനുകളിലും

+ പാപ്പിനിശ്ശേരി ഇലക്ട്രിക്കല്‍ സെക്ഷന്‍ പരിധിയിലെ ഹാജി റോഡ്, ഫില കോംപ്ലക്സ്, ആയിഷ ഗോള്‍ഡ്, വെസ്റ്റ് റോഡ്, വനജ ലൈന്‍, ബാപ്പിക്കാന്‍തോട്, സ്വരാജ് എന്നീ ഭാഗങ്ങളില്‍ ആഗസ്റ്റ് ഒന്ന് ചൊവ്വ രാവിലെ എട്ട് മുതല്‍ വൈകിട്ട് അഞ്ച് മണി വരെ വൈദ്യുതി മുടങ്ങും. + മാതമംഗലം ഇലക്ട്രിക്കല്‍ സെക്ഷന്‍ പരിധിയിലെ പറവൂര്, ആലക്കാട് ചെറിയപളളി, കാരക്കുണ്ട്, പൊന്നച്ചേരി, പെടേന്ന കിഴക്കേക്കര, ഓടമുട്ട് എന്നീ ഭാഗങ്ങളില്‍ ആഗസ്റ്റ് ഒന്ന് ചൊവ്വ രാവിലെ എട്ട് മുതല്‍ വൈകിട്ട് അഞ്ച് മണി വരെ വൈദ്യുതി മുടങ്ങും. + വേങ്ങാട് ഇലക്ട്രിക്കല്‍ സെക്ഷനിലെ വട്ടിപ്രം 118, വട്ടിപ്രംവയല്‍ എന്നീ ട്രാന്‍സ്ഫോര്‍ പരിധിയില്‍ ആഗസ്റ്റ് ഒന്ന് ചൊവ്വ രാവിലെ എട്ട് മുതല്‍ വൈകിട്ട് മൂന്ന് മണി വരെ വൈദ്യുതി മുടങ്ങും. + ഏച്ചൂർ ഇലക്ട്രിക്കല്‍ സെക്ഷനിലെ പള്ളിയത്ത്, ചെമ്മാട൦ വായനശാല എന്നീ ട്രാൻസ്ഫോമർ പരിധിയിൽ ആഗസ്റ്റ് ഒന്ന് ചൊവ്വ രാവിലെ ഒൻപത് മുതല്‍ വൈകിട്ട്അഞ്ച് മണി വരെ വൈദ്യുതി മുടങ്ങും. എൽ ടി ലൈനിൽ തട്ടി നിൽക്കുന്ന മരച്ചില്ലകൾ വെട്ടി മാറ്റുന്നതിനാൽ ആഗസ്റ്റ് ഒന്ന് ചൊവ്വ രാവിലെ എട്ട് മുതല്‍ പകൽ 11 മണി വരെ വാരം കടവ് ട്രാൻസ്ഫോർമർ പരിധിയിലും പകൽ 11 മുത

കണ്ണൂര്‍: ഒരു കാലത്ത് കുറ്റാന്വേഷണത്തിലും കാര്യക്ഷമതയിലും പേരു കേട്ട കേരള പോലീസിനെ പിണറായി ഭരണത്തില്‍ പാര്‍ട്ടി അടിമകളും ആസ്ഥാന വിദൂഷകന്മാരുമാക്കി മാറ്റിയിരിക്കുകയാണെന്ന് ഡിസിസി പ്രസിഡന്റ് അഡ്വ.മാര്‍ട്ടിന്‍ ജോര്‍ജ്. പിണറായി വിജയന്‍ പ്രസംഗിക്കുമ്പോള്‍ മൈക്ക് പോലും പണിമുടക്കുന്നു. അതിന്റെ പേരില്‍ മൈക്കിനേയും ആംപ്ലിഫെയറിനേയും കസ്റ്റഡിയിലെടുത്ത പോലീസ് ഏറ്റവും ഒടുവില്‍ എറണാകുളം നെട്ടൂരിൽ കുട്ടികള്‍ കളിക്കുമ്പോള്‍ സമീപത്തുണ്ടായിരുന്ന പോലീസ് വണ്ടിയുടെ മേല്‍ പന്ത് പതിച്ചതിന് പന്ത് കസ്റ്റഡിയിലെടുത്തു കൊണ്ടുപോയി. നിയമം പാലിക്കേണ്ട പോലീസ് നിയമ ലംഘനങ്ങളും മറ്റു തുടര്‍ച്ചയായി നടത്തുന്നു. ഇതുപോലൊരു നാണം കെട്ട പോലീസ് സംവിധാനം കേരളത്തിലുണ്ടായിട്ടില്ലെന്നും മാര്‍ട്ടിന്‍ ജോര്‍ജ് പറഞ്ഞു.കെപിസിസി പ്രസിഡന്റ് കെ സുധാകരനും പ്രതിപക്ഷനേതാവ് വി ഡി സതീശനും എതിരായ കള്ളക്കേസുകളിലും പോലീസിന്റെ പക്ഷപാതപരമായ സമീപനത്തിലും പ്രതിഷേധിച്ച് സംസ്ഥാന വ്യാപകമായി കെപിസിസി ആഹ്വാനം ചെയ്ത പോലീസ് സ്റ്റേഷന്‍ മാര്‍ച്ചിന്റെ ഭാഗമായി കണ്ണൂര്‍ നിയോജക മണ്ഡലം കോണ്‍ഗ്രസ് കമ്മിറ്റി സിറ്റി പോലീസ് സ്റ്റേഷനിലേക്ക് നടത്തിയ മാര്‍ച്ച് ഉദ്ഘാടനം

തിരുവനന്തപുരം: മുതിർന്ന കോൺഗ്രസ് നേതാവും മുൻ സ്പീക്കറും മന്ത്രിയുമായ വക്കം പുരുഷോത്തമന് അന്ത്യാജലി അർപ്പിച്ച് പ്രതിപക്ഷ നേതാവ് വി.ഡി സതീശൻ. കോണ്‍ഗ്രസ് തറവാട്ടിലെ കാരണവര്‍. കരുത്തും ആജ്ഞാശക്തിയുമുള്ള ഭരണാധികാരിയാണ് വക്കം പുരുഷോത്തമൻ എന്ന് വി.ഡി സതീശൻ ഫേസ്ബുക്കിൽ കുറിച്ചു. വി.ഡി സതീശന്റെ ഫേസ്ബുക്ക് പോസ്റ്റ് പൂർണമായും :  കോണ്‍ഗ്രസ് തറവാട്ടിലെ കാരണവര്‍... കരുത്തും ആജ്ഞാശക്തിയുമുള്ള ഭരണാധികാരി... വ്യക്തതയും കണിശതയുമുള്ള നിലപാടുകള്‍...  ആരെയും കൂസാത്ത ഒരു സമ്മര്‍ദ്ദത്തിനും വഴങ്ങാത്ത വക്കം പുരുഷോത്തമന്‍ പൊതുപ്രവര്‍ത്തകര്‍ക്ക് അനുകരണീയമായ മാതൃകയാണ്.  വക്കത്തിന്റെ വിയോഗം വ്യക്തിപരമായി എനിക്ക് വലിയ നഷ്ടമാണ്. വക്കം സ്പീക്കറായിരിക്കവെയാണ് ഞാന്‍ ആദ്യം നിയമസഭയിലെത്തുന്നത്. സഭയിലെ പിന്‍ബെഞ്ചുകാരനായ എന്നെ അകമഴിഞ്ഞ് പ്രോത്സാഹിപ്പിച്ചു. അഭിനന്ദിക്കേണ്ടിടത്ത് അഭിനന്ദിച്ചു... ഉപദേശിക്കേണ്ടിടത്ത് ഉപദേശിച്ചു... തിരുത്തേണ്ടിടത്ത് തിരുത്തി...  വക്കത്തിന് പ്രണാമം.. ന്യൂസ്‌ ഓഫ് കേരളം വാട്സ്ആപ്പ് ഗ്രൂപ്പിൽ ജോയിൻ ചെയ്യാൻ : https://chat.whatsapp.com/Enp0WcT1MXlGanbPtKwcaq

തിരുവനന്തപുരം> മുതിർന്ന കോൺഗ്രസ് നേതാവ് വക്കം പുരുഷോത്തമൻ (96 )അന്തരിച്ചു. ഗവർണറും മന്ത്രിയും എം പിയും നിയമസഭാ സ്പീക്കറുമായിരുന്നു. ഏറെ നാളായി ശാരീരിക അവശതകളെ തുടർന്ന് വിശ്രമത്തിലായിരുന്നു അദ്ദേഹം. കുമാരപുരത്തെ വസതിയിലായിരുന്നു അന്ത്യം. മിസോറാം, ത്രിപുര  എന്നീ സംസ്ഥാനങ്ങളുടെ ഗവർണറായിരുന്നു. അഞ്ച് തവണ ആറ്റിങ്ങൽ മണ്ഡലത്തിൽ നിന്ന് നിയമസഭയിലെത്തി. ആലപ്പുഴ മണ്ഡലത്തിൽനിന്ന് 2 തവണ ലോകസഭയിലേക്കും ജയിച്ചു.  മൂന്ന്തവണ സംസ്ഥാന  മന്ത്രിയായിരുന്നു. രണ്ടുതവണ നിയമസഭാ സ്പീക്കറുമായിരുന്നു. തിരുവനന്തപുരം ഡിസിസി പ്രസിഡൻറ്, കെപിസിസിയുടെ ജനറൽ സെക്രട്ടറി, വൈസ് പ്രസിഡൻറ് എന്നീ നിലകളിലും പ്രവർത്തിച്ചിട്ടുണ്ട്.തിരുവനന്തപുരം ജില്ലയിലെ ആറ്റിങ്ങൽ താലൂക്കിലെ വക്കം ഗ്രാമത്തിൽ ഭാനു പണിക്കരുടേയും ഭവാനിയുടേയും മകനാണ്. നിയമബിരുദദാരിയാണ്. മുഖ്യമന്ത്രി അനുശോചനം അറിയിച്ചു. തിരുവനന്തപുരം:  കോൺഗ്രസിലെ ഏറ്റവും തല മുതിർന്ന നേതാക്കളിലൊരാളെയാണ്  വക്കം പുരുഷോത്തമന്റെ  നിര്യാണത്തിലൂടെ നഷ്ടമായതെന്ന് മുഖ്യമന്ത്രി പിണറായി വിജയൻ പറഞ്ഞു. പാർലമെന്റേറിയൻ, വിവിധ വകുപ്പുകൾ കൈകാര്യം ചെയ്ത മന്ത്രി എന്നീ നിലകളിൽ സ്വതസിദ്ധമായ വ്യക്തിമുദ്

• ഓണത്തിന് 200 കെ സ്റ്റോറുകൾ കൂടി: മന്ത്രി ജി ആർ അനിൽ ഓണത്തിന് മുമ്പായി 200 റേഷൻ കടകൾ കൂടി കേരള സ്റ്റോറുകളാക്കുമെന്ന് ഭക്ഷ്യ പൊതുവിതരണ ഉപഭോക്തൃകാര്യ വകുപ്പ് മന്ത്രി അഡ്വ. ജി ആർ അനിൽ. കേരളത്തിലെ ജനങ്ങൾക്ക് ഓണത്തിന് ന്യായവിലക്ക് തന്നെ ഉത്പന്നങ്ങൾ ലഭിക്കുന്നതിനുള്ള സൗകര്യമേർപ്പെടുത്തുമെന്നും സപ്ലൈകോ ഔട്ട്ലെറ്റുകൾ വർധിപ്പിക്കുമെന്നും മന്ത്രി പറഞ്ഞു. അന്തിക്കാട് ഗ്രാമപഞ്ചായത്തിലെ സപ്ലൈകോ മാവേലി സ്‌റ്റോർ സൂപ്പർമാർക്കറ്റായി ഉയർത്തിയതിന്റെ പ്രവർത്തനോദ്ഘാടനം നിർവഹിച്ച് സംസാരിക്കുകയായിരുന്നു മന്ത്രി. കേരളം ഒരു ഉപഭോക്തൃ സംസ്ഥാനമായിട്ടുപോലും വിപണിവിലയിൽ നിന്ന് കുറച്ചാണ് സംസ്ഥാനത്ത് ഉത്പന്നങ്ങൾ ലഭ്യമാക്കുന്നത്. കൃഷിക്കാർക്ക് നൽകാനുള്ള എല്ലാ അനുകൂല്യങ്ങളും ഓണത്തിന് മുൻപായി ലഭ്യമാക്കുന്നതിനുള്ള നടപടികൾ സർക്കാർ സ്വീകരിച്ചിട്ടുണ്ടെന്നും മന്ത്രി കൂട്ടിചേർത്തു.  പാവപ്പെട്ട ജനങ്ങൾക്ക് വിവിധ സേവനങ്ങൾ ലഭ്യമാക്കുന്നതിനുള്ള മാതൃകാപരമായ മാറ്റത്തിനാണ് സർക്കാർ നേതൃത്വം കൊടുക്കുന്നതെന്ന് സി സി മുകുന്ദൻ എംഎൽഎ പറഞ്ഞു. ചടങ്ങിൽ അദ്ധ്യക്ഷത വഹിച്ചു സംസാരിക്കുകയായിരുന്നു അദ്ദേഹം. ബ്ലോക്ക് പഞ്ചായത്ത് പ്രസിഡന്റ് കെ കെ ശ

ഭക്ഷ്യ സുരക്ഷാ വകുപ്പിന്റെ നേതൃത്വത്തിൽ ഓഗസ്റ്റ് ഒന്നിനും രണ്ടിനും സംസ്ഥാന വ്യാപകമായി ഓപ്പറേഷൻ ഫോസ്‌കോസ് (FOSCOS) ലൈസൻസ് ഡ്രൈവ് 2023 എന്ന പേരിൽ സ്ഥാപനങ്ങളുടെ ലൈസൻസ് പരിശോധനകൾ നടത്തുമെന്ന് ആരോഗ്യ വകുപ്പ് മന്ത്രി വീണാ ജോർജ്. മുഴുവൻ ഭക്ഷ്യ സംരംഭകരെയും ഭക്ഷ്യ സുരക്ഷാ ലൈസൻസ് പരിധിയിൽ കൊണ്ടുവരികയാണ് ലക്ഷ്യം. സംസ്ഥാനത്ത് ഭക്ഷ്യ സുരക്ഷ ഉറപ്പാക്കാൻ എല്ലാവരുടേയും സഹകരണം ആവശ്യമാണ്. മുഴുവൻ ഭക്ഷ്യ സ്ഥാപനങ്ങളും അവരുടെ വരുമാന പരിധിയനുസരിച്ച് രജിസ്ട്രേഷനോ ലൈസൻസോ ഉറപ്പ് വരുത്തേണ്ടതാണ്. ഭക്ഷ്യ സുരക്ഷാ ലൈസൻസ് ഇല്ലാതെ ഭക്ഷ്യസംരംഭങ്ങൾ നടത്തുന്നവർക്കെതിരെ ഭക്ഷ്യസുരക്ഷാ ഗുണനിലവാര നിയമപ്രകാരമുള്ള നടപടികൾ സ്വീകരിക്കുമെന്നും മന്ത്രി വ്യക്തമാക്കി. ഭക്ഷ്യസുരക്ഷാ ഗുണനിലവാര നിയമം 2006, വകുപ്പ് 31 പ്രകാരം എല്ലാ ഭക്ഷ്യ സംരംഭകരും എഫ്.എസ്.എസ്.എ.ഐ. ഭക്ഷ്യസുരക്ഷാ ലൈസൻസ് എടുക്കേണ്ടതാണ്. സ്വന്തമായി ഭക്ഷണം നിർമ്മിച്ച് വിൽപന നടത്തുന്നവർ, പെറ്റി റീടെയ്ലർ, തെരുവ് കച്ചവടക്കാർ, ഉന്തുവണ്ടിയിൽ കച്ചവടം നടത്തുന്നവർ, താല്കാലിക കച്ചവടക്കാർ എന്നിവർക്കു മാത്രമാണ് രജിസ്ട്രേഷൻ അനുമതിയോടെ പ്രവർത്തിക്കാവുന്നത്. ജീവനക്കാരെ ഉൾപ്പെടുത്തി തട്ടു

മാനന്തവാടി: നിരവധി കുറ്റകൃത്യങ്ങളിൽ ഏർപ്പെട്ടതിനെ തുടർന്ന് കാപ്പ ചുമത്തി നാടുകടത്തിയയാൾ വിലക്ക് ലംഘിച്ചതിന് അറസ്റ്റിലായി. കല്ലിയോട്ട്കുന്ന്, ആലക്കൽ വീട്ടിൽ റഫീഖ്(39)നെയാണ് മാനന്തവാടി പോലീസ് അറസ്റ്റ് ചെയ്തത്. ഈ വ്യാഴാഴ്ച കല്ലിയോട്ട്കുന്ന് ഒരു കടയിൽ മോഷണം നടത്തുന്നതിനിടെ നാട്ടുകാർ കാണുകയും പോലീസിൽ അറിയിക്കുകയുമായിരുന്നു. കടയുടമയുടെ പരാതി പ്രകാരം മോഷണത്തിനും ഇയാൾക്കെതിരെ കേസെടുത്തിട്ടുണ്ട്. റഫീഖിനെ ഈ മാസം അറിനാണ് കാപ്പ ചുമത്തി നാട് കടത്തിയത്. ഇയാൾ മണ്ണാർക്കാട്, കേണിച്ചിറ സ്റ്റേഷനുകളിൽ വിവിധ കേസുകളിൽ ഉൾപ്പെട്ടതിനെ തുടർന്ന് വയനാട് ജില്ലാ പോലീസ് മേധാവിയുടെ റിപ്പോർട്ടിന്റെ അടിസ്ഥാനത്തിൽ കണ്ണൂർ ഡി.ഐ.ജി പുറപ്പെടുവിച്ച ഉത്തരവിന്റെ അടിസ്ഥാനത്തിലാണ് കാപ്പ ചുമത്തിയത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.  ന്യൂസ്‌ ഓഫ് കേരളം വാട്സ്ആപ്പ് ഗ്രൂപ്പിൽ ജോയിൻ ചെയ്യാൻ : https://chat.whatsapp.com/Enp0WcT1MXlGanbPtKwcaq

കണ്ണൂർ : കണ്ണൂർ വിമാനത്താവളത്തിൽ വൻ സ്വർണവേട്ട. ഒരു കോടി രണ്ടു ലക്ഷം രൂപ വിലവരുന്ന 1704.36 ഗ്രാം സ്വർണമാണ് കണ്ണൂർ കസ്റ്റംസ് പ്രവന്റീവ് ഓഫിസ് ഉദ്യോഗസ്ഥർ പിടികൂടിയത്. കോഴിക്കോട് കൈതപ്പൊയിൽ വി ഷാജർ (36) ആണ് സ്വർണവുമായി പിടിയിലായത്. കസ്റ്റംസ് അസിസ്റ്റന്റ് കമ്മീഷണർമാരായ ഇ. വികാസ്, പി. സി ചാക്കോ, സൂപ്രണ്ടുമാരായ എൻ. സി പ്രശാന്ത്, പി. കെ ഹരിദാസ്, ഇൻസ്‌പെക്ടർ രാജൻ റായ്, ഹവിൽദാർമാരായ സജിത്ത്, ബാലൻ കെ തുടങ്ങിയവരുടെ നേതൃത്വത്തിലായിരുന്നു സ്വർണം പിടികൂടിയത്. ഒരിടവേളക്ക് ശേഷം ആദ്യമായാണ് കോടിക്ക് മുകളിൽ സ്വർണം പിടികൂടുന്നത്. I891 ഗ്രാം സ്വർണ്ണം പിടി കൂടിയതിൽ 1300 ഗ്രാം രണ്ട് പാക്കറ്റ് കളായി സോക്സിന്റെ ഉളളിലും ബാക്കിയുള്ളത് രണ്ടു് കാപ്സുളുകൾ ആക്കി മലദ്വാരത്തിൽ വച്ചുമാണ് സ്വർണം കടത്തിയത്. അന്വേഷണത്തിന്റെ ഭാഗമായി പ്രതിയെ അറസ്റ്റ് ചെയ്തു. - അബൂബക്കർ പുറത്തീൽ, ന്യൂസ് ഓഫ് കേരളം.. ന്യൂസ്‌ ഓഫ് കേരളം വാട്സ്ആപ്പ് ഗ്രൂപ്പിൽ ജോയിൻ ചെയ്യാൻ : https://chat.whatsapp.com/Enp0WcT1MXlGanbPtKwcaq

കണ്ണൂർ : ഓര്‍മ്മകളുടെ സുഗന്ധം പേറി 29 വര്‍ഷത്തിന് ശേഷം അവർ കലാലയത്തില്‍ ഒത്തുചേര്‍ന്നു. കണ്ണൂർ മാടായി കോ-ഓപ്പ് ആര്‍ട്ട്സ് & സയന്‍സ് കോളേജില്‍ നിന്ന് 1992-94 കാലഘട്ടത്തില്‍ പ്രീഡിഗ്രി ആര്‍ട്ട്സ്, കൊമേഴ്സ് വിഷയങ്ങൾ പഠിച്ചിറങ്ങിയ വിദ്യാര്‍ത്ഥികള്‍ 29 വര്‍ഷത്തിന് ശേഷം കോളേജില്‍ വീണ്ടും ഒരുമിച്ച് കൂടി ഓര്‍മ്മകളും അനുഭവങ്ങളും പങ്ക് വെച്ചു. 'ഓര്‍മ്മകള്‍ക്ക് എന്ത് സുഗന്ധം' എന്ന പേരില്‍ ഇന്നലെ കോളേജില്‍ സംഘടിപ്പിച്ച പരിപാടിയില്‍ അന്‍പതോളം പേര്‍ പങ്കെടുത്തു. ഒരേ ബെഞ്ചിലിരുന്ന് പഠിച്ചവര്‍ 29 വര്‍ഷത്തിന് ശേഷം ആദ്യമായി കണ്ടുമുട്ടിയപ്പോള്‍ അപരിചിതത്വം മാറി പരസ്പരം പരിചയപ്പെട്ടും ആടിയും പാടിയും പഴയ കൗമാരക്കാരായി മാറി. അടുത്ത വര്‍ഷം വിപുലമായ രീതിയില്‍ സംഗമം സംഘടിപ്പിക്കുന്നതിനും, ജീവകാരുണ്യപ്രവര്‍ത്തനങ്ങള്‍ ഉൾപ്പെടെ നടത്തുന്നതിനും തീരുമാനിച്ചു. ഇതിനായി 17 അംഗ എക്സിക്യുട്ടീവ് കമ്മിറ്റിയെ തെരഞ്ഞെടുത്തു. സംഗമത്തിന് പ്രഭുനാഥ് പി സി, ബി സി സമീര്‍, ഇ പി അബ്ദുള്ള, ശ്രീജിത്ത് സത്യ, യു മനോജ്, സീമ മാധവന്‍, സിന്ധു, ഉമേഷ്‌ പി, സത്യന്‍, ബാലമുരളികൃഷ്ണ എം എസ് തുടങ്ങിയവർ പങ്കെടുത്തു.  ന്യൂസ്‌ ഓഫ് കേരളം

ചാലക്കുടി: അതിരപ്പിള്ളി പെരിങ്ങൽക്കുത്ത് കാടർ കോളനിയിലെ യുവതിയെ മൃഗീയമായി മർദ്ദിച്ച് കൊലപ്പെടുത്തിയ യുവാവ് പിടിയിൽ. വെള്ളിക്കുളങ്ങര ആനപ്പാന്തം ശാസ്താംപൂവം കോളനി ഭാസ്കരന്റെ മകൻ സുരേഷ് (39) ആണ് പിടിയിലായത്.അതിരപ്പിള്ളി പോലീസ് സ്റ്റേഷൻ പരിധിയിലെ പെരിങ്ങൽക്കുത്ത് കാടർകോളനിയിലെ ഗീതയെ മൃഗീയമായി മർദ്ദിച്ച് കൊലപ്പെടുത്തിയ സംഭവത്തിൽ ഒളിവിൽപോയ ഭർത്താവിനെ തൃശൂർ റൂറൽ ജില്ലാപോലീസ് മേധാവി ഐശ്വര്യ ദോങ്ഗ്രേ ഐപിഎസിന്റെ നിർദ്ദേശപ്രകാരം ചാലക്കുടി ഡിവൈഎസ്പി ടി.എസ് സിനോജിന്റെ നേതൃത്വത്തിലുള്ള പ്രത്യേകാന്വേഷണ സംഘം പറമ്പിക്കുളം ടൈഗർ റിസർവ്വ് വനാന്തരത്തിനുള്ളിൽ നാൽപ്പത്തെട്ട് മണിക്കൂറിലേറെനീണ്ട ദുരിതപൂർണ്ണമായ തിരച്ചിലിനൊടുവിൽ പിടികൂടിയത്. ഫോറസ്റ്റ് ഉദ്യോഗസ്ഥനെ വെട്ടിപ്പരിക്കേൽപ്പിച്ചതടക്കം ഇരുപതോളം ക്രിമിനൽ കേസുകളിലെ പ്രതിയാണ് പിടിയിലായത് . നിബിഡ വനാന്തരത്തിലുള്ളിലെ 48 മണിക്കൂറിലേറെ നീണ്ട അന്വേഷണത്തിനൊടുവിലാണ് പിടികൂടാനായത്. രണ്ട് ദിവസം മുമ്പ് പുലർച്ചെയാണ് ഗീതയെ പെരിങ്ങൽക്കുത്ത് കെഎസ്ഇബി ക്വാർട്ടേഴ്സിൽ മരിച്ച നിലയിൽ കണ്ടെത്തിയത്. വിവരമറിഞ്ഞ് സംഭവ സ്ഥലത്ത് കുതിച്ചെത്തിയ പോലീസ് സംഘം നടത്തിയ പരിശോധനയിൽ അടിയും

അഞ്ചുവയസുകാരി ചാന്ദ്നിയുടെ മരണത്തിൽ ദുഃഖം രേഖപ്പെടുത്തി മന്ത്രിമാർ. കേരളത്തിന്റെ മനസാക്ഷിയെ ഞെട്ടിച്ച സംഭവമാണ് ആലുവയിൽ നടന്നതെന്ന് കേരള നിയമസഭാ സ്പീക്കർ ഷംസീർ. അഞ്ചുവയസ്സുകാരി ചാന്ദ്നി കൊല്ലപ്പെട്ടു എന്നത് ഏറെ വേദനാജനകമാണ്. ഇന്നലെ മുതൽ കേരളമാകെ പ്രതീക്ഷയോടെ ഈ കുരുന്നിനെ കാത്തിരിക്കുകയായിരുന്നു.  പക്ഷെ... ഫലം നിരാശ  ചാന്ദ്നിയുടെ മാതാപിതാക്കളുടെയും കുടുംബത്തിന്റെയും ദുഖത്തിൽ പങ്കു ചേരുന്നുവെന്നും സ്പീക്കർ കൂട്ടിച്ചേർത്തു. അതിദാരുണമായ ഒരു സംഭവമാണ് നടന്നിരിക്കുന്നതെന്നും എല്ലാവരെയും വല്ലാതെ വേദനിപ്പിക്കുന്നതാണ് അഞ്ച് വയസ് മാത്രം പ്രായമുള്ള കുഞ്ഞിന്റെ കൊലപാതകമെന്നും മന്ത്രി പി രാജീവ് പറഞ്ഞു.  പരാതി ലഭിച്ച് രണ്ടര മണിക്കൂറിനുള്ളിൽ പ്രതിയെ പിടികൂടാൻ സാധിച്ചപ്പോൾ കുട്ടിയെ കണ്ടെത്താമെന്നായിരുന്നു പ്രതീക്ഷ. എന്നാൽ ആ സമയത്ത് ലഹരിയിലായിരുന്ന പ്രതിയിൽ നിന്ന് ചോദ്യങ്ങളിലൂടെ കാര്യങ്ങൾ മനസിലാക്കാൻ സാധിക്കുന്ന സ്ഥിതിയായിരുന്നില്ല. എങ്കിലും സിസിടിവി ഉൾപ്പെടെയുള്ള വഴിക്ക് അന്വേഷണം നടത്തിയിരുന്നു. പക്ഷേ ദാരുണമായ ഈ സംഭവം നടക്കുകയായിരുന്നു. മന്ത്രി പറഞ്ഞു. വിശദമായ അന്വേഷണത്തിലൂടെ ഇതിന് പിന്നിലെ കാരണം കണ്ടെത്

പാലങ്ങളെ വിനോദസഞ്ചാര കേന്ദ്രങ്ങളാക്കി മാറ്റുന്ന നിർമ്മാണ പ്രവർത്തനങ്ങൾ ഓഗസ്റ്റിൽ ആരംഭിക്കുമെന്ന് പൊതുമരാമത്ത്, ടൂറിസം വകുപ്പ് മന്ത്രി പി.എ മുഹമ്മദ് റിയാസ്. പൊതുമരാമത്ത്, ടൂറിസം വകുപ്പുകളുടെ സംയുക്ത പദ്ധതിയുടെ ഭാഗമായാണ് നടപ്പിലാക്കുന്നത്. പാലങ്ങൾ ദീപാലംകൃതമാക്കി മാറ്റുകയും നദികൾക്ക് കുറുകെയല്ലാത്ത ഓവർ ബ്രിഡ്ജുകളുടെ താഴത്തെ ഭാഗം പൊതുജനങ്ങൾക്ക് ഉപയോഗപ്രദമാകും വിധം മികച്ച രീതിയിൽ പരിവർത്തനം ചെയ്യുകയുമാണ് പദ്ധതിയിലൂടെ ലക്ഷ്യമിടുന്നത്. നെടുമ്പാശേരി വിമാനത്താവളത്തിന് സമീപത്തെ ഓവർ ബ്രിഡ്ജും കൊല്ലം എസ്.എൻ കോളേജിന് സമീപത്തെ റെയിൽവേ ഓവർ ബ്രിഡ്ജുമാണ് പദ്ധതിയുടെ ആദ്യഘട്ട പ്രവർത്തനങ്ങൾക്കായി തിരഞ്ഞെടുത്തിരിക്കുന്നത്. സ്ത്രീ സൗഹൃദവും വയോജന സൗഹൃദവും ഭിന്നശേഷി സൗഹൃദവുമായാണ് പദ്ധതി നടപ്പിലാക്കുന്നത്. കൊല്ലത്തെ റെയിൽവേ ഓവർ ബ്രിഡ്ജിന് താഴത്തെ ഭാഗത്ത് ബാഡ്മിന്റൺ കോർട്ട്, സ്കേറ്റിംഗ് പ്ലേസ്, ചെസ്സ് പ്ലോട്ട്, നടക്കാനുള്ള സൗകര്യം തുടങ്ങിയ വൈവിധ്യമാർന്ന പ്രവർത്തനങ്ങളാണ് ആവിഷ്കരിക്കുന്നത്. പദ്ധതിയുടെ അന്തിമ രൂപമായെന്നും ഓഗസ്റ്റിൽ നിർമ്മാണ പ്രവർത്തനങ്ങൾ ആരംഭിക്കുമെന്നും മന്ത്രി പറഞ്ഞു.  നെടുമ്പാശേരി വിമാനത്താവ

കേരള സർക്കാർ സ്ഥാപനമായ ഒഡെപെക് മുഖേന സൗദി അറേബ്യൻ ആരോഗ്യമന്ത്രാലയത്തിന്റെ കീഴിലെ ആശുപത്രികളിലേക്ക് ബി.എസ്‌സി നഴ്സുമാരെ (സ്ത്രീ) തെരഞ്ഞെടുക്കുന്നു. നഴ്സിങ്ങിൽ ബി.എസ്‌സി/പോസ്റ്റ് ബി.എസ്‌സി/എം.എസ്‌സിയും കുറഞ്ഞത് ഒരു വർഷത്തെ പ്രവൃത്തിപരിചയവും നിർബന്ധം. പ്രായപരിധി 35 വയസ്. ഓഗസ്റ്റ് ഏഴ് മുതൽ 10 വരെ കൊച്ചിയിൽ അഭിമുഖം നടക്കും. ശമ്പളം സൗദി അറേബ്യൻ ആരോഗ്യമന്ത്രാലയത്തിന്റെ ശമ്പള നിയമമനുസരിച്ച് ലഭിക്കും. താമസം, വിസ, ടിക്കറ്റ് എന്നിവ സൗജന്യമായിരിക്കും. താത്പര്യമുള്ളവർ ഫോട്ടോ അടങ്ങിയ ബയോഡാറ്റ, ആധാർകാർഡ്, പാസ്പോർട്ട്, ഡിഗ്രി സർട്ടിഫിക്കറ്റ്, എക്സ്പീരിയൻസ് സർട്ടിഫിക്കറ്റ് എന്നിവയുടെ പകർപ്പുകൾ ഓഗസ്റ്റ് അഞ്ചിനകം gcc@odepc.in ലേക്ക് മെയിൽ അയയ്ക്കുക. വിശദവിവരങ്ങൾക്ക്: www.odepc.kerala.gov.in, 0471-2329440/41/42/6238514446. ന്യൂസ്‌ ഓഫ് കേരളം വാട്സ്ആപ്പ് ഗ്രൂപ്പിൽ ജോയിൻ ചെയ്യാൻ : https://chat.whatsapp.com/Enp0WcT1MXlGanbPtKwcaq

ആലുവ: ആലുവയിൽ നിന്ന് കാണാതായ അഞ്ചുവയസുകാരിയുടെ മൃതദേഹം കണ്ടെത്തി.ചാന്ദ്നി കുമാരിയെന്ന കുട്ടിയുടെ മൃതദേഹമാണ് കണ്ടെത്തിയത്.. ആലുവ മാർക്കറ്റിന് സമീപമാണ് മൃതദേഹം കണ്ടെത്തിയത്. ചാക്കില്‍കെട്ടിയ നിലയിലാണ് മൃതദേഹം കണ്ടെത്തിയത്. സ്ഥലത്ത് പൊലീസ് എത്തി പരിശോധന നടത്തുകയാണ്. കൂടുതല്‍ പരിശോധനകള്‍ക്ക് ശേഷം മാത്രമേ ഇക്കാര്യം സ്ഥിരീകരിക്കാന്‍ കഴിയൂ എന്നാണ് പൊലീസ് പറയുന്നത്.ബിഹാർ സ്വദേശികളായ ദമ്പതികളുടെ മകളെവെള്ളിയാഴ്ച വൈകിട്ട് മൂന്നര മുതൽ കാണാതായത്. ഇവരുടെ വീടിന്റ മുകളിലത്തെ നിലയിൽ വാടകയ്ക്ക് താമസിക്കാനെത്തിയ ബിഹാർ സ്വദേശിയായ അഷ്ഫാഖ് ആലം കുട്ടിയെ തട്ടിക്കൊണ്ട് പോകുന്ന സിസിടിവി ദൃശ്യങ്ങൾ പൊലീസിന് ലഭിച്ചിരുന്നു. സുഹൃത്തിന്റെ സഹായത്തോടെ കുട്ടിയെ കൈമാറിയെന്ന് കസ്റ്റഡിയിലുള്ള ബിഹാർ സ്വദേശി അഷ്ഫാഖ് ആലത്തിന്റെ മൊഴി.  ന്യൂസ്‌ ഓഫ് കേരളം വാട്സ്ആപ്പ് ഗ്രൂപ്പിൽ ജോയിൻ ചെയ്യാൻ : https://chat.whatsapp.com/Enp0WcT1MXlGanbPtKwcaq

കണ്ണൂർ സിറ്റി : കണ്ണൂർ സിറ്റി നീർച്ചാൽ സ്കൂളിന് സമീപം മഹറൂഫ് ബൈത്തിൽ മലയഞ്ചാലിൽ ബമ്പൻ (87) നിര്യാതനായി. ഭാര്യ : പള്ളിമൂലയിൽ സുലൈഖ. മക്കൾ : മഹറൂഫ്, നജ്മ, നവാസ്, നിയാസ്, പരേതനായ അനീസ്, മരുമക്കൾ: മൈലാഞ്ചിക്കൽ ആബിദ്, ഷാലിമ, തസ്നി, സഫ്രീന.  സഹോദരൻ: മുസ്തഫ. കബറടക്കം വെള്ളിയാഴ്ച അസർ നമസ്കാരനന്തരം സിറ്റി ജുമാമസ്ജിദ് ഖബർസ്ഥാനിൽ.  ന്യൂസ്‌ ഓഫ് കേരളം വാട്സ്ആപ്പ് ഗ്രൂപ്പിൽ ജോയിൻ ചെയ്യാൻ : https://chat.whatsapp.com/Enp0WcT1MXlGanbPtKwcaq

തിരുവനന്തപുരം : നാഗർകോവിലിൽ അമ്മയുടെ കയ്യിൽ നിന്നും കുഞ്ഞിനെ തട്ടിയെടുത്ത് ഓടിയ കേസിലെ പ്രതികളായ നാടോടികളെ പോലീസ് അറസ്റ്റ് ചെയ്തു.തമിഴ്നാട് വടശ്ശേരി പോലീസ് സ്റ്റേഷൻ രെജിസ്റ്റർ ചെയ്ത കേസിലെ പ്രതികളെ ചിറയിൻകീഴ്‌ പോലീസ് അറസ്റ്റ് ചെയ്തു. നാഗർകോവിലിൽ അമ്മയുടെ കയ്യിൽ നിന്നും കുഞ്ഞിനെ തട്ടിയെടുത്ത് ഓടിയ കേസിലെ പ്രതികളായ നാടോടികളെയാണ് ചിറയിൻകീഴ് നിന്നും അറസ്റ്റ് ചെയ്തത്. പ്രതികൾ കുഞ്ഞുമായി കേരളത്തിലേക്ക് കടന്നിട്ടുണ്ടെന്ന വിവരം തമിഴ്നാട് പോലീസ് കൈമാറിയ ഉടൻ കേരള പോലീസ് റെയിൽവേ സ്റ്റേഷനുകളിലും ബസ് സ്റ്റാന്റുകളും കേന്ദ്രീകരിച്ചു അന്വേഷണം ഊർജ്ജിതമാക്കിയിരുന്നു. പോലീസ് വാട്സാപ് ഗ്രൂപ്പുകളിലും ഇക്കാര്യം ഷെയർ ചെയ്തിരുന്നു. സ്വകാര്യ യാത്രക്കായി ചിറയിൻകീഴ് റെയിൽവേ സ്റ്റേഷനിൽ എത്തിയ കഠിനംകുളം പോലീസ് സ്റ്റേഷനിലെ ഉദ്യോഗസ്ഥനായ ജ്യോതിഷ് ഇവരെ കണ്ടു സംശയം തോന്നി ചിറയിൻകീഴ്‌ പോലീസ് സ്റ്റേഷനിൽ വിവരമറിയിച്ചു. ഉടൻ തന്നെ ചിറയിൻകീഴ്‌ പോലീസ് സ്ഥലത്തെത്തി ഇവരെ ചോദ്യം ചെയ്തതിൽ നിന്നും ഇവരാണ് കുട്ടിയെ തട്ടിയെടുത്തതെന്നത് വ്യക്തമായി. തുടർന്ന് ഇവരെ അറസ്റ്റ് ചെയ്ത് തമിഴ്നാട് പോലീസിന് കൈമാറി. ന്യൂസ്‌ ഓഫ് കേരളം

  സംസ്ഥാന വ്യാപകമായി ഭക്ഷ്യ സുരക്ഷാ വകുപ്പ് ഒറ്റ ദിവസം കൊണ്ട് 3340 പരിശോധനകൾ നടത്തിയതായി ആരോഗ്യ വകുപ്പ് മന്ത്രി വീണാ ജോർജ്. ഇന്നലെ (26 ജൂലൈ) വൈകിട്ട് മൂന്നു മുതൽ ആരംഭിച്ച പരിശോധന രാത്രി 10.30 വരെ നീണ്ടു. 132 സ്പെഷ്യൽ സ്‌ക്വാഡുകൾ 1500 ലധികം വ്യത്യസ്ത സ്ഥലങ്ങളിലെ ഹോട്ടലുകൾ, ഷവർമ അടക്കമുള്ളവ തയ്യാറാക്കി വിതരണം ചെയ്യുന്ന സ്ഥാപനങ്ങൾ എന്നിവിടങ്ങളിലാണ് മിന്നൽ പരിശോധന നടത്തിയത്. ഭക്ഷ്യ സുരക്ഷാ പരിശോധനകൾ തുടരും. ഭക്ഷ്യ സുരക്ഷാ മാനദണ്ഡങ്ങൾ പാലിക്കാത്തവർക്കെതിരെ കർശന നടപടി സ്വീകരിക്കുമെന്നു മന്ത്രി വ്യക്തമാക്കി. ഭക്ഷ്യ സുരക്ഷാ കമ്മീഷണർ വി.ആർ. വിനോദ്, ജോ. കമ്മീഷണർ ജേക്കബ് തോമസ് എന്നിവർ പരിശോധനകൾക്ക് നേതൃത്വം നൽകി. തിരുവനന്തപുരം 392, കൊല്ലം 227, പത്തനംതിട്ട 118, ആലപ്പുഴ 220, കോട്ടയം 230, എറണാകുളം 287, ഇടുക്കി 103, തൃശൂർ 303, പാലക്കാട് 269, മലപ്പുറം 388, കോഴിക്കോട് 333, വയനാട് 76, കണ്ണൂർ 289, കാസർഗോഡ് 105 എന്നിങ്ങനെയാണ് പരിശോധന നടത്തിയത്. ഭക്ഷ്യ സുരക്ഷാ നിയമം പാലിക്കാത്ത 1335 സ്ഥാപനങ്ങൾക്ക് കോമ്പൗണ്ടിംഗ് നോട്ടീസും 135 സ്ഥാപനങ്ങൾക്ക് റെക്ടിഫിക്കേഷൻ നോട്ടീസും ഉൾപ്പെടെ 1470 സ്ഥാപനങ്ങൾക്ക് നോട്ടീസ് നൽകി

കണ്ണൂർ കോർപ്പറേഷൻ 'മുനിസിപ്പൽ കോർപ്പറേഷൻ വർക്കേഴ്സ് കോൺഗ്രസ് ഐഎൻടിയുസി' പ്രസിഡണ്ടായി സുധീഷ് മുണ്ടേരിയെയും വർക്കി ഗ് പ്രസിഡന്റായി എം കെ രവീന്ദ്രനെയും ജനറൽ സെക്രട്ടറിയായി സി പവിത്രനെയും ട്രെഷറർ ആയി സജീവൻ പി എന്നിവരെയും തെരഞ്ഞെടുത്തു. ഇന്ന് ചേർന്ന ജനറൽബോഡി യോഗത്തിൽ വിരമിക്കുന്ന ജീവനക്കാർക്ക് യാത്രയയപ്പ് നല്കി. വിരമിച്ചവർക്കുള്ള പുരസ്ക്കാര വിതരണം ഐഎൻടിയുസി  ജില്ലാ സെക്രട്ടറി എ.എൻ  രാജേഷ് നിർവ്വഹിച്ചു. എംകെ  രവീന്ദ്രന്റെ അദ്ധ്യക്ഷതയിൽ ചേർന്ന യോഗത്തിൽ ഐഎൻടിയുസി ജില്ലാ ട്രഷറർ  എംവി പ്രേമരാജൻ, ഐഎൻടിയുസി കണ്ണൂർ മണ്ഡലം പ്രസിഡന്റ് പ്രേംജിത്ത് പൂചാലി, കെഎംസിഎസ്എ സംസ്ഥാന വൈസ്പ്രസിഡന്റ് പിഎം ബാബുരാജ്, സി പവിത്രൻ, ഒ ഗണേശൻ, ടി വിനോദ്, എം പി പ്രവീൺ, പി എ.ഷീജ,സി എം പ്രഭാകരൻ തുടങ്ങിയവർ സംസാരിച്ചു. മുൻ മുഖ്യമന്ത്രി ഉമ്മൻ ചാണ്ടി നിര്യാണത്തിൽ യോഗം അനുശോചനം രേഖപ്പെടുത്തി. ന്യൂസ്‌ ഓഫ് കേരളം വാട്സ്ആപ്പ് ഗ്രൂപ്പിൽ ജോയിൻ ചെയ്യാൻ : https://chat.whatsapp.com/Enp0WcT1MXlGanbPtKwcaq

കണ്ണൂർ: കഴിഞ്ഞ കുറേ നാളുകളായി സമാധാനാന്തരീക്ഷം നിലനിൽക്കുന്ന കണ്ണൂരിൽ വീണ്ടും രാഷ്ട്രീയ കലാപത്തിനുള്ള നീക്കമാണ് സി പി എം, ബി ജെ പി നേതാക്കൾ നടത്തുന്നതെന്ന് ഡി.സി.സി പ്രസിഡൻ്റ് അഡ്വ.മാർട്ടിൻ ജോർജ് പറഞ്ഞു. സ്പീക്കർ എ.എൻ ഷംസീർ നടത്തിയ അനവസരത്തിലുള്ള പരാമർശവും അതേറ്റു പിടിച്ച് ബി ജെ പി യുവമോർച്ച നേതാക്കളും സി പി എം നേതാവ് പി.ജയരാജനും നടത്തിയ കൊലവിളി പ്രസംഗങ്ങളും ആശങ്ക ഉയർത്തുകയാണ്. അണികളെ കലാപത്തിനു പ്രേരിപ്പിക്കുന്ന ആഹ്വാനങ്ങളാണ് യുവമോർച്ച സംസ്ഥാന ജനറൽ സെക്രട്ടറി കെ.ഗണേശനും സി പി എം നേതാവ് പി.ജയരാജനും പൊതുവേദിയിൽ നടത്തിയത്. കലാപ ആഹ്വാനത്തിന് ഇവർക്കെതിരെ കേസെടുക്കണം. കണ്ണൂരിൽ സമാധാനാന്തരീക്ഷം നിലനിർത്താൻ ശക്തമായ നടപടി പോലീസിൻ്റെ ഭാഗത്തു നിന്നുണ്ടാകണമെന്നും വിദ്വേഷ പ്രാസംഗികരെ പൊതു സമൂഹം ഒറ്റപ്പെടുത്തണമെന്നും അഡ്വ.മാർട്ടിൻ ജോർജ് ആവശ്യപ്പെട്ടു ന്യൂസ്‌ ഓഫ് കേരളം വാട്സ്ആപ്പ് ഗ്രൂപ്പിൽ ജോയിൻ ചെയ്യാൻ : https://chat.whatsapp.com/Enp0WcT1MXlGanbPtKwcaq

കാസർക്കോട് : കാസർക്കോട് ജില്ലയിലെ വിവിധ ഇടങ്ങളില്‍ എം.ഡി.എം.എ വിതരണം ചെയ്യാന്‍ ബംഗളൂരൂ കേന്ദ്രീകരിച്ച് പ്രവര്‍ത്തിച്ച മയക്കുമരുന്ന് സംഘത്തിലെ പ്രധാനകണ്ണിയായ നൈജീരിയന്‍ സ്വദേശി മോസസ് മോണ്ടെയെ (33) ബേക്കല്‍ ഡി.വൈ.എസ്.പി സി.കെ.സുനില്‍ കുമാറിന്റെ നേതൃത്വത്തിലുള്ള പൊലീസ് സംഘം അറസ്റ്റ് ചെയ്തു. ഇയാളെ വ്യാഴാഴ്ച രാവിലെ ബംഗളൂരുവില്‍ നിന്ന് കാസര്‍കോട് എത്തിച്ചു. ജില്ലയില്‍ ഇയാള്‍ നിരവധി തവണ സംഘം മയക്കുമരുന്ന്് വിതരണം ചെയ്തിരുന്നുവെന്നും മയക്കുമരുന്ന് ഇടപാടുകള്‍ സംബന്ധിച്ച് ഇയാള്‍ക്കെതിരെ വ്യക്തമായ തെളിവുകള്‍ ലഭിച്ചിട്ടുണ്ടെന്നും ജില്ലാ പൊലീസ് മേധാവി ഡോ.വൈഭവ് സക്സേന പറഞ്ഞു. നേരത്തെ കൊക്കെയ്ന്‍ കേസില്‍ മോസസ് മോണ്ടെയ്ക്കെതിരെ ബംഗളൂരുവില്‍ കേസ് രജിസ്റ്റര്‍ ചെയ്തിരുന്നു. കേസില്‍ ജാമ്യം ലഭിച്ച ഇയാള്‍ മയക്കുമരുന്ന് ഇടപാടുകള്‍ തുടരുകയായിരുന്നു. കഴിഞ്ഞ ഏപ്രിലില്‍ ബേക്കല്‍ പൊലീസ് സ്റ്റേഷനില്‍ രജിസ്റ്റര്‍ ചെയ്ത എം.ഡി.എം.എ കേസില്‍ നൈജീരിയന്‍ യുവതിയായ ഹഫ്സ റിഹാനത്ത് ഉസ്മാനെ അറസ്റ്റ് ചെയ്തിരുന്നു. ചോദ്യം ചെയ്യലില്‍ ഇവര്‍ കുറ്റം സമ്മതിച്ചിരുന്നു. തുടര്‍ന്ന് നടത്തിയ അന്വേഷണത്തിലാണ് സംഘത്തിന്റെ കേന്ദ്രം ബംഗളൂരു

കണ്ണൂർ : കണ്ണൂർ കോർപ്പറേഷൻ ആറ്റടപ്പ ഡയാലിസിസ് സെന്‍റര്‍ പ്രവര്‍ത്തനം ആരംഭിച്ചു. കണ്ണൂര്‍ മുനിസിപ്പല്‍ കോര്‍പ്പറേഷന്‍ ആറ്റടപ്പ ഡയാലിസിസ് സെന്‍ററിന്‍റെ പ്രവര്‍ത്തനം മേയര്‍ അഡ്വ.ടി ഒ മോഹനന്‍ ഉദ്ഘാടനം ചെയ്തു. ഡെപ്യൂട്ടി മേയര്‍ കെ ഷബീന ടീച്ചര്‍ അധ്യക്ഷത വഹിച്ചു. ചടങ്ങിൽ രാമചന്ദ്രന്‍ കടന്നപ്പള്ളി എം എല്‍ എ മുഖ്യാതിഥിയായിരുന്നു. ഡയാലിസിസ് ചെയ്യുന്നതിനായി 6 ഉപകരണങ്ങളാണ് ഇവിടെ സജ്ജീകരിച്ചിട്ടുള്ളത്. അതില്‍ 5 എണ്ണം ഒരേ സമയം പ്രവര്‍ത്തിപ്പിക്കും. അടിയന്തിര സാഹചര്യങ്ങളില്‍ ഉപയോഗിക്കുന്നതിനായി ഒരെണ്ണം മാറ്റിവെച്ചിട്ടുണ്ട്. ആദ്യഘട്ടത്തില്‍ ഒരു ഷിഫ്റ്റായി മാത്രമാണ് പ്രവര്‍ത്തിക്കുക. ഡയാലിസിസ് സെന്‍ററിന്‍റെ നടത്തിപ്പിനായി ഈ സാമ്പത്തിക വര്‍ഷം 40 ലക്ഷം രൂപ കോർപറേഷൻ തനത് ഫണ്ടില്‍ നിന്ന് വകയിരുത്തിയിട്ടുണ്ട്. ഇത് കൂടാതെ 13 ലക്ഷം രൂപ മരുന്നുകൾക്കായും ചെലവഴിച്ചിട്ടുണ്ട്. മെഡിക്കല്‍ ഓഫീസറും 2 ടെക്നീഷ്യന്‍മാരുമുള്‍പ്പെടെ ഏഴോളം ജീവനക്കാരെ കോർപറേഷൻ നിയമിച്ചിട്ടുണ്ട്. ഗുണഭോക്താക്കളെ തെരഞ്ഞെടുക്കുന്നതിന് അടുത്ത് തന്നെ അപേക്ഷ ക്ഷണിക്കുന്നതായിരിക്കും. കോര്‍പ്പറേഷന്‍ സ്റ്റാന്‍റിംഗ് കമ്മിറ്റി ചെയര്‍മാന്‍മാരായ എം പി ര

കാസർക്കോട് ജില്ലാ പൊലീസ് മേധാവി ഡോ.വൈഭവ് സക്സേന  കാസർക്കോട് : കാഞ്ഞങ്ങാട് റാലിക്കിടെ വിദ്വേഷ മുദ്രാവാക്യം വിളിച്ചുവെന്ന പരാതിയില്‍ പോലീസ് കേസ് രജിസ്റ്റര്‍ ചെയ്തതിനു പിന്നാലെ സോഷ്യല്‍ മീഡിയ നിരീക്ഷണം ശക്തമാക്കി പൊലീസ്. ഫേസ്ബുക്ക്, ഇന്‍സ്റ്റഗ്രാം, വാട്സ് ആപ്, ടെലിഗ്രാം തുടങ്ങിയ സോഷ്യല്‍ മീഡിയകളില്‍ വിദ്വേഷ പ്രസംഗം, പ്രകോപനപരമായ സന്ദേശങ്ങള്‍, തെറ്റായ വാര്‍ത്തകള്‍ എന്നിവ പ്രചരിപ്പിക്കുന്നവര്‍ക്കെതിരെ ഐപിസി സെക്ഷന്‍ 153 പ്രകാരം ജാമ്യമില്ലാ വകുപ്പ് ചുമത്തി കേസെടുക്കുമെന്ന് കാസർക്കോട് ജില്ലാ പൊലീസ് മേധാവി ഡോ.വൈഭവ് സക്സേന പറഞ്ഞു. സോഷ്യല്‍ മീഡിയ നിരീക്ഷണത്തിനായി പൊലീസ് പ്രത്യേക സംഘത്തെ രൂപീകരിച്ചിട്ടുണ്ട്. എല്ലാ സോഷ്യല്‍ മീഡിയ പോസ്റ്റുകളും സംഘം നിരീക്ഷിക്കുകയാണ്. വാട്സ്ആപ്, ടെലിഗ്രാം ഗ്രൂപ്പുകളിലൂടെയുള്ള വിദ്വേഷ പ്രചരണത്തിന് ഗ്രൂപ്പ് അഡ്മിന്‍മാരെയും പ്രതിയാക്കും. ഇതുവരെ രണ്ട് കേസുകള്‍ രജിസ്റ്റര്‍ ചെയ്തുവെന്നും അദ്ദേഹം പറഞ്ഞു. വിദ്വേഷ മുദ്രാവാക്യം വിളിച്ച സംഭവത്തില്‍ ഹൊസ്ദുര്‍ഗ് പൊലീസ് രജിസ്റ്റര്‍ ചെയ്ത കേസില്‍ അഞ്ച് പേര്‍ റിമാന്‍ഡിലാണ്. ബാക്കിയുള്ളവരെ പിടികൂടാനായി തിരച്ചില്‍ ശക്തമാക്കിയിട്ടുണ്ട

കെഎസ്ആർടിസി - സ്വിഫ്റ്റ് വാങ്ങിയ പുതിയ സീറ്റർ കം സ്ലീപ്പർ ബസ് നിരത്തിലേക്ക്. 27 സീറ്റുകളും,15 സ്ലീപ്പർ സീറ്റുകളുമാണുള്ളത്. എല്ലാ സീറ്റുകളിലും, ബെർത്തുകളിലും ചാർജിം​ഗ് സൗകര്യം, മൊബൈൽ ഫോൺ സൂക്ഷിക്കാൻ പൗച്ച്, ചെറിയ ഹാൻഡ് ബാഗേജുകൾ സൂക്ഷിക്കാൻ ല​ഗേ​ജ് സ്പേസ് ഉൾപ്പെടെയുള്ള സൗകര്യം ഉണ്ട്. കെഎസ്ആർടിസി- സ്വിഫ്റ്റിൽ നിന്നും വിഭന്നമായി പുതിയ ഡിസൈനിലാണ് ഈ ബസിന്റെ രൂപ കൽപ്പന. യാത്രക്കാരിൽ നിന്നുള്ള പ്രതികരണം അനുസരിച്ച് ഇത് പോലുള്ള പുതിയ ഡിസൈൻ ഉപയോ​ഗിക്കാനാണ് തീരുമാനം. സുരക്ഷയ്ക്ക് 2 എമർജസി വാതിലുകളും , നാല് വശത്തും എൽഇഡി ഡിസ്പ്ലേ ബോർഡും ഉണ്ട്. രണ്ടാമത്തെ ഡ്രൈവർക്ക് വിശ്രമിക്കാൻ ഡ്രൈവർ ക്യാബിൽ തന്നെ സൗകര്യം ഉണ്ട്. കൂടാതെ ഓൺലൈൻ ട്രാക്കിം​ഗ് സംവിധാനവും ഐ അലർട്ടും ഒരുക്കിയിട്ടുണ്ട്. ആദ്യഘട്ടത്തിൽ തിരുവനന്തപുരം - കാസർ​ഗോഡ് റൂട്ടിൽ ഒരു എ.സി ബസും ഒരു നോൺ എസി ബസുമാണ് പരീക്ഷണാർത്ഥത്തിൽ സർവ്വീസ് നടത്തുക... #ksrtcswift ന്യൂസ്‌ ഓഫ് കേരളം വാട്സ്ആപ്പ് ഗ്രൂപ്പിൽ ജോയിൻ ചെയ്യാൻ : https://chat.whatsapp.com/Enp0WcT1MXlGanbPtKwcaq

സംസ്ഥാന വ്യാപകമായി ഭക്ഷ്യ സുരക്ഷാ വകുപ്പിന്റെ പ്രത്യേക പരിശോധനകൾ ഇന്ന് വൈകുന്നേരം 3 മുതൽ ആരംഭിച്ചതായി ആരോഗ്യ മന്ത്രി വീണാ ജോർജ്. സംസ്ഥാന വ്യാപകമായി 3500ലധികം കച്ചവട സ്ഥാപനങ്ങളിലാണ് ഇന്ന് മിന്നൽ പരിശോധന നടത്തുന്നത്. 1500 ലധികം വ്യത്യസ്ത സ്ഥലങ്ങളിലായുള്ള 3500 ലധികം വരുന്ന ഹോട്ടലുകൾ, ഷവർമ അടക്കമുള്ള ഹൈ റിസ്‌ക് ഭക്ഷണങ്ങൾ തയ്യാറാക്കി വിതരണം ചെയ്യുന്ന സ്ഥാപനങ്ങൾ എന്നിവിടങ്ങളിലാണ് മിന്നൽ പരിശോധന നടക്കുന്നത്. ഇതിനായി 132 സ്പെഷ്യൽ സ്‌ക്വാഡുകൾ പ്രവർത്തിക്കുമെന്നും മന്ത്രി വ്യക്തമാക്കി.ഓരോ സ്‌ക്വാഡും ഒരു ഭക്ഷ്യ സുരക്ഷാ ഓഫീസറുടെ നേതൃത്വത്തിൽ മറ്റ് രണ്ട് ഉദ്യോഗസ്ഥരെ കൂടി ഉൾപ്പെടുത്തിയാണ് തയ്യാറാക്കിയിട്ടുള്ളത്. ഓരോ ടീമിനും പ്രത്യേകമായി വാഹനങ്ങൾ ഏർപ്പാടാക്കിയിട്ടുണ്ട്. പരിശോധനകളുടെ വേഗത ഉറപ്പുവരുത്തുന്നതിനായി പരിശോധിക്കേണ്ട വസ്തുതകൾ അടങ്ങിയ ചെക്ക് ലിസ്റ്റ്, പ്രത്യേക റൂട്ട് മാപ്പ് എന്നിവ തയ്യാറാക്കിയിട്ടുണ്ട്. പരിശോധനാ പ്രവർത്തനങ്ങളുടെ ഏകോപനത്തിനായി ജില്ലാതലത്തിലും, മേഖലാതലത്തിലും സംസ്ഥാനതലത്തിലും കൺട്രോൾ റൂമുകൾ സജ്ജമാണ്. സംസ്ഥാനത്തെ ഹോട്ടലുകൾ, ഷവർമ അടക്കമുള്ള ഹൈ റിസ്‌ക് ഭക്ഷണം പാചകം ചെയ്ത് വിൽപ്പന

അബുദാബി : യുഎഇ പ്രസിഡന്റ് ഷെയ്ഖ് മുഹമ്മദ് ബിൻ സായിദ് അൽ നഹ്യാന്റെ സഹോദരനും അബുദാബി ഭരണാധികാരിയുടെ പ്രതിനിധിയുമായ അബുദാബി രാജകുടുംബാ​ഗം ഷെയ്ഖ് സഹീദ് ബിൻ സായിദ് അൽ നഹ്യാൻ അന്തരിച്ചു. ആരോഗ്യപ്രശ്നങ്ങളെ തുടർന്ന് ചികിത്സയിലായിരുന്നു. വ്യാഴാഴ്ച പുലർച്ചെയായിരുന്നു അന്ത്യം. സഹോദരന്റെ വിയോ​ഗത്തിൽ ഷെയ്ഖ് മുഹമ്മദ് ബിൻ സായിദ് അൽ നഹ്യാൻ അനുശോചിച്ചു. ഷെയ്ഖ് സഹീദ് നിര്യാണത്തിൽ വിവിധ ജി സി സി രാഷ്ട്ര നേതാക്കളും അനുശോചനം രേഖപ്പെടുത്തി. ഷെയ്ഖ് സഹീദ് വിയോഗത്തെ തുടർന്ന് യുഎഇയിൽ മൂന്ന് ദിവസത്തേക്ക് ഔദ്യോഗിക ദുഃഖാചരണം പ്രഖ്യാപിച്ചു. ദേശീയ പതാക പകുതി താഴ്ത്തിക്കെട്ടും. ഷെയ്ഖ് സഹീദ് ബിൻ സായിദിനെ ആരോഗ്യപ്രശ്‌നങ്ങളെ തുടർന്ന് ആശുപത്രിയിൽ പ്രവേശിപ്പിച്ചെന്ന് ഈ മാസം 22ന് യുഎഇ പ്രസിഡൻഷ്യൽ കോടതി അറിയിച്ചിരുന്നു. 1965 ൽ അൽ ഐനിൽ ജനിച്ച ഷെയ്ഖ് സഹീദ് ബിൻ സായിദ് അൽ നഹ്യാൻ, 2010 ജൂണിലാണ് അബുദാബി ഭരണാധികാരിയുടെ പ്രതിനിധിയായി നിയമിതനായത്. അബുദാബിയിലെ ആസൂത്രണ വകുപ്പിന്റെ അണ്ടർസെക്രട്ടറിയായിരുന്നു. ന്യൂസ്‌ ഓഫ് കേരളം വാട്സ്ആപ്പ് ഗ്രൂപ്പിൽ ജോയിൻ ചെയ്യാൻ : https://chat.whatsapp.com/Enp0WcT1MXlGanbPtKwcaq

കൊച്ചി : എറണാകുളത്ത് രാസ ലഹരിയുമായി യുവാവും യുവതിയും എക്സൈസ് പിടിയിൽ. ഇടുക്കി ഉപ്പുകണ്ടം സ്വദേശി അരവിന്ദ് (32 വയസ്സ് ), കാക്കനാട് സ്വദേശിയും ഇപ്പോൾ പള്ളിക്കര - പിണർ മുണ്ടയിൽ താമസിക്കുകയും ചെയ്യുന്ന അഷ്ലി (24 വയസ്സ്) എന്നിവരാണ് എറണാകുളം എക്സൈസ് ഇന്റലിജൻസിന്റെയും, സിറ്റി എക്സൈസ് റേഞ്ചിന്റെയും സംയുക്ത നീക്കത്തിൽ പിടിയിലായത്. ഇവരുടെ പക്കൽ നിന്ന് 18.55 ഗ്രാം ക്രിസ്റ്റൽ രൂപത്തിലുള്ള എം.ഡി.എം.എയും, 15 എക്സ്റ്റസി പിൽസും (1.246 ഗ്രാം) എക്സൈസ് പിടിച്ചെടുത്തു.  എറണാകുളം ടൗൺ കേന്ദ്രീകരിച്ച് വൻ തോതിൽ രാസലഹരി വിൽപ്പന നടത്തുന്ന സംഘത്തിലുള്ളവരാണ് ഇവർ. ഒരിടവേളക്ക് ശേഷമാണ് അതീവ വിനാശകാരിയ എക്സ്റ്റസി പിൽസ് ഇത്രയും അധികം പിടിച്ചെടുക്കുന്നത്. എറണാകുളം ടൗണിൽ വ്യത്യസ്ത ഇടങ്ങളിൽ ഓൺലൈനായി റൂം എടുത്ത് മയക്ക് മരുന്ന് വിൽപ്പന നടത്തി വരികയായിരുന്നു ഇവർ. ബാംഗ്ലൂരിൽ നിന്നാണ് ഇരുവരും മയക്ക് മരുന്ന് എത്തിച്ചിരുന്നത്. മൂന്ന് മാസങ്ങൾക്ക് മുമ്പ് അരവിന്ദിന്റെ ഉടമസ്ഥതയിലുള്ള 14 ലക്ഷത്തോളം വില വരുന്ന സൂപ്പർ ബൈക്കുമായി ഇയാളുടെ ശിങ്കിടിയായ മിന്നൽ മച്ചാനെ എക്സൈസ് സ്പെഷ്യൽ ആക്ഷൻ ടീം പിടികൂടിയിരുന്നു. മിന്നൽ മച്ചാൻ പിടിയിലായതി

പൊതുമരാമത്ത് വകുപ്പിന്റെ ഉടമസ്ഥതയിലുള്ള 30,000 കിലോമീറ്റർ റോഡുകളിൽ 15,000 കിലോമീറ്റർ ബി.എം. ആൻഡ് ബി.സി. നിലവാരത്തിലേക്ക് ഉയർത്തി നവീകരിച്ചതായി പൊതുമരാമത്ത് മന്ത്രി പി.എ. മുഹമ്മദ് റിയാസ്. രാജ്യത്ത് ഏറ്റവും നിലവാരംകൂടിയ റോഡ് നിർമാണ രീതിയാണു ബി.എം. ആൻഡ് ബി.സി. രീതി. ചിപ്പിങ് കാർപ്പറ്റിനേക്കാൾ മൂന്നിരട്ടിയാണ് ഇതിന്റെ ഗുണനിലവാരം. ഇത്തരം റോഡുകൾ നിർമിച്ചാൽ നാലഞ്ചു വർഷത്തേക്കു കുഴപ്പമുണ്ടാകില്ല. സംസ്ഥാനത്ത് പി.ഡബ്ല്യു.ഡിയുടെ കീഴിലുള്ള 30,000 കിലോമീറ്റർ റോഡുകളിൽ 50 ശതമാനം അഞ്ചു വർഷംകൊണ്ട് ഈ നിലവാരത്തിൽ നവീകരിക്കാനാണു വകുപ്പ് ലക്ഷ്യമിട്ടിരുന്നത്. ഇത് രണ്ടു വർഷവും രണ്ടു മാസവും കൊണ്ടു യാഥാർഥ്യമാക്കിയിരിക്കുകയാണ്. ഇതു വകുപ്പിന് വലിയ നേട്ടമാണെന്നും ശേഷിക്കുന്ന റോഡുകളും പരമാവധി ഈ രീതിയിൽ നവീകരിക്കാനാണു ലക്ഷ്യമിടുന്നതെന്നും മന്ത്രി പറഞ്ഞു. ന്യൂസ്‌ ഓഫ് കേരളം വാട്സ്ആപ്പ് ഗ്രൂപ്പിൽ ജോയിൻ ചെയ്യാൻ : https://chat.whatsapp.com/Enp0WcT1MXlGanbPtKwcaq

 തിരുവനന്തപുരം: മഴക്കാലത്ത് വെള്ളക്കെട്ടുകളും നീര്‍ച്ചാലുകളും രൂപപ്പെടുന്നതോടെ പാമ്പുകളുടെ മാളങ്ങളില്‍ വെള്ളം കയറുകയും അവ മനുഷ്യ വാസമുള്ളയിടങ്ങളിലേക്ക് വരാനും സാധ്യതയുള്ളതായി തിരുവനന്തപുരം  ജില്ലാ മെഡിക്കൽ ഓഫീസർ. കല്‍ക്കെട്ടുകളിലും വിറകും മറ്റും സൂക്ഷിക്കുന്ന ചെറിയ ഷെഡുകളിലും വീടിനകത്തും ഇവ എത്തിപ്പെടാന്‍ സാധ്യതയുള്ളതിനാല്‍ വളരെ ശ്രദ്ധിക്കണം. പാമ്പുകടിയേറ്റാല്‍ പരിഭ്രമിക്കാതെ കടിയേറ്റയാളെ സമാധാനപ്പെടുത്തുകയാണ് ചെയ്യേണ്ടത്.ശരീരം അനക്കരുത്, സൗകര്യപ്രദമായി ഇരുത്തുക . ബോധം നഷ്ടപ്പെടുന്ന സാഹചര്യത്തില്‍ തറയില്‍ ചരിച്ചു കിടത്തുക. എത്രയും വേഗം ആന്റിവെനം ലഭ്യമായ ആശുപത്രിയില്‍ എത്തിക്കുക . ബ്ലേയ്‌ഡോ കത്തിയോ ഉപയോഗിച്ച് മുറിവ് വലുതാക്കാൻ ശ്രമിക്കരുത്. മുറിവേറ്റ ഭാഗം മുറുക്കി കെട്ടാനും പാടില്ല. തിരുവനന്തപുരം ജില്ലയില്‍ പാമ്പിന്‍ വിഷത്തിനെതിരായ ആന്റിവെനം ജനറല്‍ ആശുപത്രി, ചിറയിൻകീഴ് താലൂക്ക് ആസ്ഥാന ആശുപത്രി, വിതുര താലൂക്ക് ആശുപത്രി എന്നിവിടങ്ങളില്‍ ലഭ്യമാണ്. പാമ്പുകടിയേറ്റാല്‍ ഉടനടി ശാസ്ത്രീയ ചികിത്സ തേടേണ്ടതാണന്നും ജില്ലാ മെഡിക്കല്‍ ഓഫീസറുടെ അറിയിപ്പിൽ പറയുന്നു. ന്യൂസ്‌ ഓഫ് കേരളം വാട്സ്ആപ്പ് ഗ്രൂപ്

കാസർക്കോട് : കാഞ്ഞങ്ങാട് നടന്ന റാലിക്കിടെ വിദ്വേഷ മുദ്രാവാക്യം വിളിച്ച കേസിൽ കാസർക്കോട് ജില്ലാ പോലീസ് മേധാവി ഡോക്ടർ വൈഭവ് സക്സേന ഐ.പി.എസ്ന്റെ നേതൃത്വത്തിൽ കർശന നടപടികൾ സ്വീകരിച്ചു വരികയാണ്. ഈ സംഭവത്തിൽ ഉൾപ്പെട്ട പ്രതികൾക്കെതിരെ ഉടൻ തന്നെ ജാമ്യം ഇല്ലാ വകുപ്പുകൾ പ്രകാരം കേസ് എടുക്കുകയും മുദ്രാവാക്യം വിളിച്ച ആൾ ഉൾപ്പെടെ 5 പേരെ അറസ്റ്റ് ചെയ്യുകയും ചെയ്തു. കല്ലൂരാവി ചിറമ്മൽ ഹൗസിൽ അബ്ദുൽ സലാം (20), കല്ലൂരാവി കല്ലൂരാവി ഹൗസിൽ ഷെരിഫ് (38), കാലിച്ചാനടുക്കാം അൻവർ മൻസ്സിലിൽ ആഷിർ (25), പടന്നക്കാട് കാരക്കുണ്ട് ഷംല മൻസിലിൽ പി മുഹമ്മദ് കുഞ്ഞ് (55), ഇഖ്ബാൽ റോഡിൽ അയൂബ് പി.എച് (45) എന്നിവരെയാണ് കാഞ്ഞങ്ങാട് ഡി.വൈ.എസ്.പി പി. ബാലകൃഷ്ണൻ നായർ, ഇൻസ്‌പെക്ടർ കെ പി ഷൈൻ, എസ്.ഐ രാജീവൻ എന്നിവരുടെ നേതൃത്വത്തിൽ ഉള്ള പോലീസ് സംഘം അറസ്റ്റ് ചെയ്തത്. കാസർക്കോട് ജില്ലയിൽ ഉടനീളം പോലീസ് കർശനമായ സുരക്ഷ സംവിധാനങ്ങൾ ഏർപ്പെടുത്തിയിട്ടുണ്ട്. സോഷ്യൽ മീഡിയ വഴി വർഗീയ വിദ്വേഷം പ്രചരിപ്പിക്കുന്ന ആളുകളെ കണ്ടെത്താൻ പ്രത്യേക സംവിധാനം ഏർപ്പെടുത്തി. വർഗീയചുവ ഉള്ള മെസ്സേജുകൾ പ്രചരിപ്പിക്കുന്ന ആളുകൾ ക്കെതിരെ ജാമ്യം ഇല്ലാ വകുപ്പുകൾ പ്രകാരം ക

ക്രിപ്റ്റോ ട്രേഡിങ് വഴി ലക്ഷങ്ങൾ സമ്പാദിക്കാമെന്ന വ്യാജ വാഗ്ദാനത്തിൽ വിശ്വസിച്ച തിരുവനന്തപുരം സ്വദേശിനിക്കു 37 ലക്ഷം രൂപ നഷ്ടമായി. നാലു ദിവസം മുൻപു പോങ്ങുംമൂടു സ്വദേശിനിയും സമാനമായ തട്ടിപ്പിന് ഇരയായിരുന്നു. 9.5 ലക്ഷം രൂപയാണ് അവർക്കു നഷ്ടമായത്. യുട്യൂബ് സബ്സ്ക്രിപ്ഷൻ വഴി വരുമാനം നേടാം എന്ന പരസ്യത്തിലാണു പടിഞ്ഞാറേക്കോട്ടയിലെ യുവതി വീണത്. ടെലിഗ്രാം ഗ്രൂപ്പിലൂടെ സംഘം അയച്ച ലിങ്കുകൾ വഴി യൂട്യൂബ് സൈറ്റുകൾ സബ്സ്ക്രൈബ് ചെയ്തതോടെ യുവതിയുടെ അക്കൗണ്ടിൽ പണം വന്നു തുടങ്ങി. കൂടുതൽ പ്രതിഫലം കിട്ടണമെങ്കിൽ ക്രിപ്റ്റോ ട്രേഡിങ്ങിൽ പണം നിക്ഷേപിക്കാൻ ഗ്രൂപ്പിലെ അംഗങ്ങൾ പ്രേരിപ്പിച്ചു. നാലിരട്ടി പണം അക്കൗണ്ടിൽ വന്നതായി വ്യാജ സന്ദേശങ്ങൾ ഗ്രൂപ്പിൽ പങ്കുവയ്ക്കുകയും ചെയ്തു. ഇതു വിശ്വസിച്ച യുവതി അമ്മയുടെ പേരിലുള്ള സ്ഥിരനിക്ഷേപം ബാങ്കിൽനിന്നു പിൻവലിച്ചും സുഹൃത്തിൽ നിന്നു കടംവാങ്ങിയും ലക്ഷങ്ങൾ അയച്ചുകൊടുത്തു. പറഞ്ഞ സമയം കഴിഞ്ഞിട്ടും പണം തിരികെ കിട്ടാതെ വന്നതോടെയാണു തട്ടിപ്പു തിരിച്ചറിഞ്ഞത്. സൈബർ ക്രൈം പൊലീസ് കേസെടുത്ത് അന്വേഷണം ആരംഭിച്ചിട്ടുണ്ട്.  കണ്ണൂർ സ്വദേശിയായ യുവാവിന്റെ വാട്സാപ്പിൽ പാർട് ടൈം ജോലി വാഗ്ദാ

കേരള സര്‍ക്കാര്‍. മന്ത്രിസഭായോഗ തീരുമാനങ്ങള്‍  : 26.7.2023 ------------------------------- *പ്ലസ് വണ്ണിന് 97 താല്‍ക്കാലിക ബാച്ചുകള്‍ക്ക് അനുമതി; ബാച്ചുകള്‍ കാസര്‍ഗോഡ് മുതല്‍ പാലക്കാട് വരെയുള്ള ജില്ലകളില്‍* സംസ്ഥാനത്തെ ഹയര്‍സെക്കണ്ടറി സ്കൂളുകളിലെ പ്ലസ് വണ്‍ പ്രവേശനവുമായി ബന്ധപ്പെട്ട് മലബാര്‍ മേഖലയിലെ സീറ്റ് ക്ഷാമം പരിഹരിക്കാന്‍ 97 താല്‍ക്കാലിക ബാച്ചുകള്‍ അധികമായി അനുവദിക്കാന്‍ മന്ത്രിസഭായോഗം തീരുമാനിച്ചു.  പാലക്കാട്, മലപ്പുറം, കോഴിക്കോട്, വയനാട്, കണ്ണൂര്‍, കാസര്‍ഗോഡ് എന്നീ ആറ് ജില്ലകളിലെ വിവിധ സര്‍ക്കാര്‍, എയ്ഡഡ് സ്കൂളുകളിലാണ് അധിക ബാച്ചുകള്‍ അനുവദിച്ചത്.   പ്രവേശന നടപടികള്‍ അവസാനിപ്പിക്കുമ്പോള്‍ താല്‍ക്കാലികമായി അനുവദിച്ച ഏതെങ്കിലും ബാച്ചില്‍ മതിയായ എണ്ണം വിദ്യാര്‍ത്ഥികള്‍ പ്രവേശനം നേടാത്ത സാഹചര്യമുണ്ടെങ്കില്‍ അത്തരം ബാച്ചുകള്‍ റദ്ദ് ചെയ്യും. ആ ബാച്ചില്‍ പ്രവേശനം നേടിയ വിദ്യാര്‍ത്ഥികളെ അതേ സ്കൂളിലെ സമാന ബാച്ചിലോ സമീപത്തുള്ള സ്കൂളിലെ സമാന ബാച്ചിലേക്കോ മാറ്റും. *2023-24ലെ മദ്യ നയം അംഗീകരിച്ചു* 2023-24ലെ മദ്യ നയം അംഗീകരിക്കാന്‍ മന്ത്രിസഭായോഗം തീരുമാനിച്ചു. *മെന്‍റല്‍ ഹെല്‍ത്ത് നഴ്സിങ് കോ

  കോഴിക്കോട് ജില്ല താമരശ്ശേരി താലൂക്ക് സര്‍വ്വേയറായ അബ്ദുള്‍ നസീര്‍.എം ആണ് 10,000/- രൂപ കൈക്കൂലി വാങ്ങുന്നതിനിടയില്‍ വിജിലന്‍സിന്റെ പിടിയിലായത്. കോഴിക്കോട് കൂടരങ്ങി സ്വദേശിയായ പരാതിക്കാരന്റെ പേരില്‍ കൂടരങ്ങി വില്ലേജിലുള്ള വസ്തുവില്‍ നിന്നും, കൂമ്പാറ-പുന്നക്കാട് റോഡ് വികസനത്തിന് സര്‍ക്കാര്‍ ഭൂമി ഏറ്റെടുത്തതിന് ശേഷം അവശേഷിക്കുന്ന വസ്തു അളന്ന് തിട്ടപ്പെടുത്തി സ്‌കെച്ച് നല്‍കുന്നതിനായി ഇക്കഴിഞ്ഞ ഏപ്രില്‍ ആദ്യ ആഴ്ച കൂടരങ്ങി വില്ലേജ് ഓഫീസില്‍ സമര്‍പ്പിച്ചിരുന്ന അപേക്ഷ തുടര്‍ നടപടികള്‍ക്കായി താമരശ്ശേരി താലൂക്ക് സര്‍വ്വേയര്‍ക്ക് അയച്ച് കൊടുത്തിരുന്നു. ഈ അപേക്ഷയില്‍ തുടര്‍ നടപടികള്‍ ഉണ്ടാകാതിരുന്നതിനെ തുടര്‍ന്ന് പരാതിക്കാരന്‍ താലൂക്ക് സര്‍വ്വേയറായ അബ്ദുള്‍ നസീറിനെ ഇക്കഴിഞ്ഞ ജൂണ്‍ മാസത്തില്‍ സമീപിച്ചപ്പോള്‍ 10,000/- രൂപ കൈക്കൂലി ചോദിക്കുകയും ജൂണ്‍ 17-ാം തീയതി 10,000/- രൂപ G Pay വഴി അബ്ദുള്‍ നസീറിന് നല്‍കിയിട്ടും നടപടികള്‍ സ്വീകരിയ്ക്കാത്തതിനെ തുടര്‍ന്ന് പലവട്ടം പുരോഗതി അന്വേഷിച്ചപ്പോഴും പല കാരണങ്ങള്‍ പറഞ്ഞ് വസ്തു അളക്കുന്നത് നീട്ടിക്കൊണ്ട് പോകുകയായിരുന്നു.  തുടര്‍ന്ന് ഇക്കഴിഞ്ഞ 19-ാം തീയതി അ

പ്ലസ് വൺ പ്രവേശനത്തിന് 97 അധിക ബാച്ചുകളിൽ നിന്ന് 5820 അധിക സീറ്റുകൾ ലഭ്യമാക്കുമെന്ന് പൊതുവിദ്യാഭ്യാസ വകുപ്പ് മന്ത്രി വി ശിവൻകുട്ടി പറഞ്ഞു. പുതുതായി അനുവദിച്ച 97 ബാച്ചുകളിൽ 57 എണ്ണം സർക്കാർ സ്‌കൂളുകളിലും 40 എണ്ണം എയിഡഡ് സ്‌കൂളിലുമാണ് അനുവദിച്ചിട്ടുള്ളത്. ഇതിലൂടെ സർക്കാർ സ്‌കൂളുകളിൽ 3420 ഉം എയ്ഡഡ് സ്‌കൂളുകളിൽ 2400ഉം സീറ്റുകൾ അധികമായി ലഭിക്കും. ജില്ലാ/ ജില്ലാന്തര സ്‌കൂൾ/ കോമ്പിനേഷൻ ട്രാൻസ്ഫറും നടത്തി ഹയർസെക്കണ്ടറി പ്രവേശനം ആഗ്രഹിക്കുന്ന എല്ലാവർക്കും മെറിറ്റടിസ്ഥാനത്തിൽ പ്രവേശനം ഉറപ്പാക്കുമെന്നും മന്ത്രി പറഞ്ഞു. പാലക്കാട് 4 ബാച്ചുകളിൽ 240 സീറ്റുകൾ, കോഴിക്കോട് 11 ബാച്ചുകളിൽ നിന്നായി 660 സീറ്റുകൾ, മലപ്പുറം 53 ബാച്ചുകളിൽ നിന്നായി 3180 സീറ്റുകൾ, വയനാട് 4 ബാച്ചുകളിൽ നിന്നായി 240 സീറ്റുകൾ, കണ്ണൂർ 10 ബാച്ചുകളിൽ നിന്നായി 600 സീറ്റുകൾ, കാസറഗോഡ് 15 ബാച്ചുകളിൽ നിന്നായി 900 സീറ്റുകൾ എന്നിങ്ങനെ അധികമായുണ്ടാകും. 2021-2022 അധ്യയന വർഷത്തിൽ അനുവദിച്ച 81 ബാച്ചുകൾ ഈ വർഷവും തുടരും. ഇതിനു പുറമേ ആദിവാസി ഗോത്ര വർഗ വിദ്യാർഥികൾക്ക് പ്രയോജനം ലഭിക്കത്തക്ക വിധം രണ്ട് മോഡൽ റെസിഡൻഷ്യൽ സ്‌കൂളുകളായ നല്ലൂർനാട് ഗവൺമെ

കണ്ണൂർ : കാട്ടാമ്പള്ളിയിലെ കെ.പി അബ്ദുൽ റഷീദ് ഹാജി (63) നിര്യാതനായി. ഭാര്യ: ശരീഫ. മക്കൾ: റാഷിദ്, റിഷാദ്, റിയാസ്, മുഫീദ്. മയ്യിത്ത് നിസ്കാരം  ബുധനാഴ്ച രാവിലെ 10 മണിക്ക് അഞ്ചാംപീടിക ജുമാമസ്ജിദിൽ തുടർന്ന് ഖബറടക്കം മാങ്ങാട് ഖബർസ്ഥാനിൽ. ന്യൂസ്‌ ഓഫ് കേരളം വാട്സ്ആപ്പ് ഗ്രൂപ്പിൽ ജോയിൻ ചെയ്യാൻ : https://chat.whatsapp.com/Enp0WcT1MXlGanbPtKwcaq

ഇടയാറൻമുളയിൽ വിദ്യാർത്ഥിനിയെ വടികൊണ്ട് അടിച്ച അധ്യാപകനെ സസ്പെൻഡ് ചെയ്തു. പൊതു വിദ്യാഭ്യാസ വകുപ്പ് മന്ത്രി വി ശിവൻകുട്ടി  വിഷയത്തിൽ പൊതുവിദ്യാഭ്യാസ ഡയറക്ടർ ഷാനവാസ് എസ്. ഐ എ എസിനോട് റിപ്പോർട്ട് തേടിയിരുന്നു. അധ്യാപകർക്ക് വിദ്യാർഥികളെ ശാരീരികമായി ഉപദ്രവിക്കാനുള്ള യാതൊരു അവകാശവും ഇല്ലെന്നും ഇത്തരം സംഭവങ്ങളിൽ പൊതു വിദ്യാഭ്യാസ വകുപ്പിൽ നിന്ന് ശക്തമായ നടപടി ഉണ്ടാകുമെന്നും മന്ത്രി അറിയിച്ചു. ന്യൂസ്‌ ഓഫ് കേരളം വാട്സ്ആപ്പ് ഗ്രൂപ്പിൽ ജോയിൻ ചെയ്യാൻ : https://chat.whatsapp.com/Enp0WcT1MXlGanbPtKwcaq